四核心制度一開始的確有效，因為皇帝各有領地，喺軍事同行政效率上都高咗好多，羅馬帝國亦都安寧咗二十年。終於戴克里先決定退休，一方面可以休息下，另一方面都比個機會政權換屆，以令呢個四核心系統繼續暢順運作。戴克里先喺佢海邊既鄉下起咗座皇宮，從此放手所有政務，專心喺皇宮裡面種菜。
不過人類社會唔係電腦，四核心系統喺戴克里先退休幾年後已經開始失效。無咗戴克里先既強勢領導，幾個皇帝之間掀起內戰。當時戴克里先既助手哀求佢重出江湖，不過戴克里先死都唔肯，傳說佢同助手講，如果佢地見過佢種既生菜有幾靚，佢地就唔會再逼佢出山。終於幾年後戴克里先喺佢既皇宮悄然離世，羅馬帝國亦比君士坦丁大帝重新統一，四核心呢個制度成為歷史。
雖然四核心制度最終被證明無效，但戴克里先仍然改寫咗歷史。佢將羅馬帝國分為東西兩邊呢件事一路傳承落去，帝國既重心亦繼續東移，日後成為拜占庭帝國，某程度上將羅馬既傳奇又延續多一千年。而且當年帝國劃界，將巴爾幹一分為二，咁啱就喺波士尼亞同塞爾維亞既邊界，亦都為之後既動蕩埋下遠因。
戴克里先既皇宮，到而家仍然屹立不倒，成為 Split 市中心既主要部分。我企喺當年戴克里先望向海邊既長廊，望住窗外海鷗飛翔，心入面諗，唔知呢位唯一選擇退休既羅馬皇帝，有無一刻後悔過？
皇宮既大門，已經變咗做舊城區既城門
皇宮正殿，紫色既支柱同埋獅身人面像，都係特登由埃及運嚟
戴克里先當年真係一心諗住退休，連墳墓都起好，而家變咗做右邊既教堂
皇宮既圓形會面室，有啲似羅馬萬神殿
望向海邊既長廊
皇宮地下走廊，當年堆滿垃圾，反而因為咁而無被破壞
舊城本來直接向海，係之後拿破崙佔領 Split，先填海擴建大道
皇宮喺戴克里先死後丟空咗好耐，慢慢有啲人住入去，拆嗮啲磚瓦起屋，有啲似九龍寨城
由教堂鐘樓望 Split 全景
Split 西面既後山佔地好大，可以望到遠處海島
喺後山望番 Split
.jpg)
沒有留言:
張貼留言