話說喺中世紀之後，塞薩洛尼基係鄂圖曼帝國重鎮，甚至係鄂圖曼喺歐洲最重要既城市。當時鄂圖曼人（土耳其人）為咗溝淡希臘人既影響，特地邀請猶太人移居塞薩洛尼基。
有幾百年時間，土耳其人係塞薩洛尼基既領導階層，住喺半山既上城區；但喺下城最主要既居民係猶太人，之後先到希臘人。當時塞薩洛尼基係東南歐最多元既城市，有無數人嚟到呢個港口通商、定居。
塞薩洛尼基地位重要，連土耳其國父凱末爾都係喺度出世，圖為佢既故居
上城區既土耳其建築
不過時間去到現代，希臘由鄂圖曼帝國獨立，一輪大戰後雙方同意交換居民，當時有五十萬土耳其人/穆斯林由希臘被強制遷移到土耳其，而有高達一百五十萬希臘人/東正教徒由土耳其遷移到希臘。一時間塞薩洛尼基既土耳其人聚落被清掃一空，上城區住滿希臘難民。
咁都未算完，二十年後第二次世界大戰爆發，納粹入侵希臘，將塞薩洛尼基幾乎全部猶太人送入集中營，猶太聚落同受毀滅。當時唔單止猶太會堂同住所，連猶太人既墳墓都被破壞，墓碑攞嚟鋪路起屋。終於到戰後塵埃落定，但塞薩洛尼基已經變咗一個純希臘城市，以往既國際化同多民族特色已經不復再見……
導遊展示其中一塊攞嚟鋪路既猶太墓碑，上面可以見到希伯來文
導遊示範樂器 Bouzouki，亦都係我地平時聽到覺得好似希臘音樂既來源
導遊示範樂器 Bouzouki，亦都係我地平時聽到覺得好似希臘音樂既來源
由上城區俯瞰塞薩洛尼基
塞薩洛尼基夜景
上城區既夜晚，感覺好靜謐
.jpg)
沒有留言:
張貼留言