今日參加咗個 walking tour，繼續喺古城區遊蕩。不過話就話古城，根據導遊講法，其實雅典既舊城區並唔算特別古老，大部分建築都只有百幾年歷史。其中主要原因，係因為雅典喺中世紀之後早被廢棄，有幾百年都只係一個農村。一直去到希臘王國從鄂圖曼獨立，決定搬番去舊都，雅典先開始重新建設。
古城區建築，好多地方都變左商店街
跳蚤市場
不過呢啲相對新既建築驟眼睇又唔太覺新。一方面佢地保養唔算多，保留咗一種歷史感，另一方面佢地大部分都係按照新古典主義風格建成，所以同古希臘建築有啲似，有啲甚至起得比古建築更加浮誇，因為希臘立國初期為左顯示同鄂圖曼唔同，所以特登起多啲類似古希臘風格既建築。
希臘科學院同國家圖書館，都係好浮誇既古希臘風格建築
雅典國會，前面有士兵換更
行完古城區，下晝終於去番真正既古跡，古希臘廣場 Ancient Agora。廣場位於衛城山下，係古希臘人聚集、交易同埋舉行慶典既地方，唔少出名既古希臘人-- 蘇格拉底、柏拉圖、希羅多德都曾經喺度打躉。雖然有啲矯情，但我都買左本蘇格拉底死前既自辯，一邊讀佢既說話，一邊想象佢係古希臘廣場四圍問人奇怪問題既境況。
行完古城區，下晝終於去番真正既古跡，古希臘廣場 Ancient Agora。廣場位於衛城山下，係古希臘人聚集、交易同埋舉行慶典既地方，唔少出名既古希臘人-- 蘇格拉底、柏拉圖、希羅多德都曾經喺度打躉。雖然有啲矯情，但我都買左本蘇格拉底死前既自辯，一邊讀佢既說話，一邊想象佢係古希臘廣場四圍問人奇怪問題既境況。
古希臘廣場
後人重建既門廊
衛城下既蘇格拉底
全場唯一既現代建築，竟然係蘇格拉底同孔子，由中國捐贈
讀蘇格拉底自辯，講起嚟都係第一次睇原文
睇睇下竟然見到隻龜，感覺好似蘇格拉底托世
尋日提過衛城下面有劇場，其中一個仲有人用緊。我上網一查，咁啱今晚有表演，又比我買到飛，仲要位置都幾正中。能夠坐喺有二千年歷史既古劇場，喺星空之下睇歌劇，雖然唔係好明套劇講咩，但係都好有氣氛呢。
尋日提過衛城下面有劇場，其中一個仲有人用緊。我上網一查，咁啱今晚有表演，又比我買到飛，仲要位置都幾正中。能夠坐喺有二千年歷史既古劇場，喺星空之下睇歌劇，雖然唔係好明套劇講咩，但係都好有氣氛呢。
進入會場
現場有管弦樂團伴奏，好有氣氛
位置好正中
偷影一下劇照
完場謝幕，已經十二點幾
.jpg)
沒有留言:
張貼留言