嚟到 Plovdiv，呢度啲人果然同電影裡面既喀浪一樣身形高大，而且好多都剪平頭裝。同保加利亞人相處，我會覺得佢地都幾友善，友善得嚟都好有性格。我剛剛到埗唔記得唱錢，上到巴士攞住歐羅，巴士個大叔會大喝一聲，然後搣張飛掟比我。我參加本地團，有團友傾計比較大聲，導遊又會喝停佢地，話佢地阻住佢講野。
不過有一點我感覺唔係幾好，就係保加利亞人好容易會覺得人地唔啱。我民宿個熱水器壞咗，房東雖然即時上門整，但言談間又會覺得之前都無事，所以今次係你 “bad luck”；我今朝去餐廳問有無早餐食，個店主又係即刻入咗去整，之後我想點餐時先眉頭一皺，話我做咩唔講清楚。
雖然唔想造成刻板印象，不過呢啲經歷會令我覺得，保加利亞人好易比人誤會；然後又會諗起喺近代咁多場戰爭，保加利亞幾乎次次都企錯邊，結果比人圍剿，唔知有無關係呢？
下晝四點坐巴士去羅馬尼亞，原來巴士既終點係基輔，難怪會凌晨一點先去到首都布加勒斯特。我由 Plovdiv 去番 Sofia，當時座位都鬆動，有空間可以伸下腳；點知喺 Sofia 出發既時候竟然全車滿座，然後我地就一路向北，跨越巴爾幹山脈，越過多瑙河，終於凌晨兩點嚟到布加勒斯特。
因為誤會而出現既保加利亞英式早餐
行到差不多，去番我最中意既民俗博物館外面坐下
臨行前食多個沙律。Plovdiv 有啲地方都幾 touristy，眼前既沙律擺盤咁靚，價錢自然都唔平得去邊
去巴士站途中經過公園，感覺都舒服
Plovdiv 去 Sofia 途中景色
.jpg)
穿過巴爾幹山脈
.jpg)
穿過巴爾幹山脈
.jpg)
沒有留言:
張貼留言